V.V. De Spoeëkejaegers

De vastelaovundj in standj haoje.

Det hèltj in det alles wat mèt vastelaovundj te make heet door de Spoeëkejaegers weurtj geregeldj.
Prinsebal mèt oetrooping groeëte prins en jeugdprinsepaar, Prinseresepsie, boorebroeloft, jeugdvastelaovundj-aovundj en eine middig veur de seniore die ein diner aangebooje kriege, zeen good bezochdje en gezellige aktivieteite.
Auch organiseere de Spoeëkejaegers twieë geweldjige boôntje aovundje. Oppe zaoterdigmiddig tiedens dees boôntje aovundje is d’er ein, zoeë meugelik nog feinere jeugd boôntjemiddig.
Veur alle festivieteite richte de Spoeëkejaegers MFA De Corneel in Swartbrook compleet in as ein hieël sjoeën Spoeëkepelieës.
Op vastelaovusdinsdig trèktj de optocht door Swartbrook.
Om vieëf oor is dan de prieësoetreiking veur de optochtdeilnemers. ’s Aovus weurtj ut Spoeëk de Krang ingejaagdj door de Prins en jeugdprins mèt ut gevolg en weurtj de vastelaovundj aafgeslote. En det alles onger de sjoeën klanke vanne Spoeëkejaegerskapel!